1-ذَهبَ الظَّمأُ، وابتلَّت العروقُ وثَبَتَ الأجرُ إنْ شاء الله

“ކަރުހިއްކުން ފިލައްޖެއެވެ. އަދި ނާރުތައް ތެމިއްޖެއެވެ. އަދި މާތްﷲ ގެ އިރާދަފުޅުން އަޖުރު ޘާބިތުވެއްޖެއެވެ.

2-اَللَّهُمَّ إِنِّيْ أَسْأَلُكَ بِرَحْمَتِكَ الَّتِيْ وَسِعَتْ كُلَّ شَيْءٍ أَنْ تَغْفِرَ لِيْ

އޭ ހައްދަވާ ގެންގުޅުއްވާ އިލާހު! ހުރިހާ އެއްޗަކަށް ވުރެ ތަނަވަސްވެގެންވާ އިބަ ﷲ ގެ ރަޙްމަތްފުޅު މެދުވެރިކޮށް މިއަޅާގެ ފާފަ ފުއްސަވައިދެއްވުމަށް އެދި އިބަ ﷲ ގެ ޙަޟްރަތުން ދަންނަވަމެވެ.

3-اللَّهُمَّ لَكَ صُمْتُ وعَلَيْكَ تَوَكَّلْتُ وَعَلَى رِزْقِكَ أَفْطَرْتُ

އޭ ﷲ! މިއަޅާ ރޯދަ ހިފަނީ  އިބަ[އިލާހަށްޓަކަ]އެވެ. އަދި މިއަޅާ ވަކީލު ކުރަނީ އިބަ[އިލާހަ]ށެވެ. އަދި މިއަޅާ ރޯދަ ވިއްލީ އިބަ[އިލާހު] ގެ ރިޒްޤުންނެވެ…

ރޯދަ މަހު ރޯދަ ވީއްލުމުގެ ކުރިން ކިޔުމަށް އައިސްފައިވާ ބެއެއް ދުޢާތައް

1-اَللّهُمَّ اجْعَلْ صِيامي فيهِ صِيامَ الصّائِمينَ وَ قِيامي فيِهِ قِيامَ القائِمينَ ، وَ نَبِّهْني فيهِ عَن نَوْمَةِ الغافِلينَ ، وَهَبْ لي جُرمي فيهِ يا اِلهَ العالمينَ ، وَاعْفُ عَنّي يا عافِياً عَنِ المُجرِمينَ .

އޭ ﷲ! އަޅުގެ ރޯދައަކީި ރޯދަ ވެރިންގެ ރޯދައެއް ކަމުގައި ލައްވާނދޭވެ! އަދި އަޅުގެ ނަމާދު ނަމާދުކުރާ މީހުންގެ ނަމާދު ކަމުގައި ލައްވާނދޭވެ! އަދި ޣާފިލުކަމުގައި އުޅޭ މީހުންގެ ނިދިން އަޅު ހޭލައްވާނދޭވެ! އަދި އަޅަށް އަޅުގެ ފާފަ އަންގަވާ ދެއްވާނދޭވެ! އޭ ޢާލަމުތަކުގެ ވެރި އިލާހެވެ! އަދި އަޅަށް މާފުކުރަށްވާނދޭވެ. އޭ ފާފަތައް ފުއްސަވާ އިލާހެވެ.

 2-اَللّهُمَّ قَرِّبْنِي فِيْهِ اِلَى مَرْضَاتِكَ ، وَجَنِّبْنِي فِيْهِ مِنْ سَخَطِكَ وَنَقِمَاتِكَ ، وَ وَفِّقني فِيْهِ لِقِرَاءةِ ايَاتِكَ ، بِرَحْمَتِكَ يَا أرْحَمَ الرّاحِمِيْنَ

އޭ ﷲ! ތިޔަ އިލާހުގެ ރުހިވޮޑިގަތުމާ އަޅު ކުއްތަން ކުރަށްވާނދޭވެ! އަދި ތިޔަ އިލާހުގެ ކޯފާއާއި ޢަޛާބުން އަޅު ސަލާމަތް ކުރަށްވާނދޭވެ. އަދި ތިޔަ އިލާހުގެ ކަލާމްފުޅު ކިޔެވުމުގެ ތައުފީޤު އަޅަށް ދެއްވާނދޭވެ. ތިޔަ އިލާހުގެ ރަޙްމަތަށް އަޅުއެދެމެވެ. އޭ އެންމެ އޯގާވަންތަ އިލާހެވެ.

3-  اَللّهُمَّ ارْزُقني فِيْهِ الذِّهنَ وَالتَّنْبيهِ ، وَ باَعِدْني فِيهِ مِنَ السَّفاهَةِ وَالتَّمْويهِ ، وَ اجْعَل لِي نَصِيباً مِنْ كُلِّ خَيْرٍ تُنْزِلُ فِيهِ ، بِجُودِكَ يا اَجْوَدَ الأجْوَدِينَ .!!

 އޭ ﷲ! އަޅަށް ހެޔޮ ވިސްނުން ދެއްވާނދޭވެ! އަދި އަޅު މޮޔަކަމުންނާއި ގަބުކަމުން އަޅު އެއްކިބާ ކުރަށްވާނދޭވެ. ތިޔަ އިލާހު ބާވައިލައްވާ ކޮންމެ ހެވެއްގައި އަޅު ބައިވެރި ކުރަށްވާނދޭވެ. އޭ އެންމެ ދީލަތި އިލާހެވެ.

4- اَللّهُمَّ قَوِّنِي فِيْهِ عَلَى اِقامَةِ اَمْرِكَ ، وَ اَذِقْنِي فِيْهِ حَلاَوَةِ ذِكْرِكَ وَ اَوْزِعْنِي فيهِ لِأدَاءِ شُكْرِكَ بِكَرَمِكَ ، وَ احْفَظْنِي فِيْهِ بِحِفْظِكَ وَسَتْرِكَ يَا اَبْصَرَ النَّاظِرِيْنَ .

 އޭ ﷲ! ތިޔަ އިލާހުގެ އަމުރުފުޅަށް ޢަމަލު ކުރުމުގެ ތައުފީޤު އަޅަށް ދެއްވާނދޭވެ. ތިޔަ އިލާހަށް ޛިކުރު ކުރުމުގެ ފޮނިމީރުކަން އަޅަށް ދައްކަވާނދޭވެ. އަދި ތިޔަ އިލާހުގެ ދީލަތިކަމަށް ޝުކުރު ކުރުމަށް އަޅަށް ތައުފީޤު ދެއްވާނދޭވެ. ތިޔަ އިލާހުގެ ރައްކައުތެރިކަމާއި ބެލެހެއްޓެވުމުގައި އަޅު ލައްވާނދޭވެ. އޭ އެންމެ ބޮޑަށް ބައްލަވާ ވޮޑިގެންވާ އިލާހެވެ.

5-اَللّهُمَّ اجْعَلنِي فِيْهِ مِنَ المُسْتَغْفِرِيْنَ ، وَ اجْعَلنِي فِيْهِ مِن عِبَادِكَ الصَّالِحِيْنَ القَانِتِيْنَ ، وَ اجْعَلنِي فِيْهِ مِنَ اَوْلِيِائِكَ المُقَرَّبِيْنَ ، بِرَأفَتِكَ يَا اَرْحَمَ الرّاحِمِيْنَ .

އޭ ﷲ! އިސްތިޣްފާރުކުރާ މީހުންގެ ތެރެއިން އަޅު ލައްވާނދޭވެ. އަދި ހެއުލަފާ ޞާލިޙު އަޅުންގެ ތެރެއިން އަޅު ލައްވާނދޭވެ. އަދި ތިޔަ އިލާހުގެ ޙަޟުރަތަށް ކުއްތަންވެގެންވާ މީހުންގެ ތެރެއިން އަޅު ލައްވާނދޭވެ. އޭ އެންމެ އޯގާވަންތަ އިލާހެވެ.

6-اَللّهُمَّ لا تَخْذُلْنِي فِيْهِ لِتَعَرُّضِ مَعْصِيَتِكَ ، وَ لاتَضْرِبنِي بِسِياطِ نَقْمَتِكَ ، وَ زَحْزِحْنِي فيهِ مِنْ موُجِبَات سَخَطِكَ بِمَنِّكَ وَ اَيَادِيكَ يا مُنتَهَى رَغْبَةِ الرّاغِبينَ .

އޭ ﷲ ! ތިޔަ އިލާހަށް އުރެދުމުގެ ސަބަބުން އަޅު ނިކަމެތި ނުކުރަށްވާނދޭވެ. އަދި ތިޔަ އިލާހުގެ ކޯފާގެ ތެރެއަށް އަޅު ނުލައްވާނދޭވެ. އަދި ތިޔަ އިލާހުގެ އޯގާތެރިކަމުގެ ޒަރީޢާއިން ތިޔަ އިލާހުގެ ކޯފާގެ ރާޅުތަކުން އަޅު ދުރުހެލި ކުރަށްވާނދޭވެ. އޭ އެންމެހައި އެދުންތައް ނިމޭ ފަރާތެވެ.  

7-اَللّهُمَّ اَعِنِّي فِيهِ عَلى صِيَامِهِ وَ قِيامِهِ ، وَ جَنِّبْنِي فِيهِ مِن هَفَوَاتِهِ وَاثَامِهِ ، وَ ارْزُقني فِيهِ ذِكْرَكَ بِدَوَامِهِ ، بِتَوْفِيقِكَ ياَ هَادِيَ المُضِّلِينَ

 އޭ ﷲ! އަޅަށް ރޯފަ ހިފުމާއި ނަމާދު ކުރުމަށް ވާގިވެ ވޮޑިގަންނަވާދޭވެ. އަދި އަޅަށް އަޅުކަމުގައި ފަރުވާކުޑަ ކުރުމާއި ހައްދުފަހަނަޅައި ދިއުމުން ރައްކައުތެރި ކުރަށްވާނދޭވެ. އަދި ތާއަބަދަށް ތިޔަ އިލާހު ހަނދުމަ ކުޅައުމުގައި އަޅަށް ތައުފީޤު ދެއްވާނދޭވެ. އަދި މަގުފުރެދިފައިވާ މީހުންނަށް ހިދާޔަތު ދެއްވާ އިލާހެވެ.

8-اَللّهُمَّ ارْزُقْني فيهِ رَحْمَةَ الأَيْتَامِ وَ اِطْعَامَ الطَّعَامِ وَاِفْشَاء السَّلاَمِ وَصُحْبَةَ الكِرامِ بِطَوْلِكَ يا مَلْجَاَ الأمِلينَ .

 އޭ ﷲ! ތިޔަ އިލާހުގެ އޯގާވަންތަވެރިކަމުގެ ޒަރީޢާއިން ޔަތީމުންނަށް އޯގާތެރިވުމާއި މުހުތާދުންނަށް ކާންދިނުމާއި ސަލާމް ކުރުން ފެތުރުމާއި ތަޤުވާ ވެރިންނާ އެކު އުޅުމުގެ ތައުފީޤު އަޅަށް ދެއްވާނދޭވެ. އޭ އެންމެ ފަހުގެ އުއްމީދު އެފަރާތަކަށް ކުރެވޭ ފަރާތެވެ.

9- اَللّهُمَّ اجْعَل لِي فِيْهِ نَصِيْباً مِنْ رَحْمَتِكَ الوَاسِعَةِ ، وَ اهْدِنِي فيهِ لِبَرَاهِينِكَ السَّاطِعَةِ ، وَ خُذْ بِنَاصِيَتِي إِلَى مَرْضَاتِكَ الجَامِعَةِ بِمَحَبَّتِكَ يا اَمَلَ المُشتاقينَ .

 އޭ ﷲ! ތިޔަ އިލާހުގެ ތަނަވަސް ވެގެންވާ ރަޙްމަތް އަޅަށް ނަސީބު ކުރަށްވާނދޭވެ. އަދި ތިޔަ އިލާހުގެ ސާފު ޙުއްޖަތްތަކުގެ އަލީގައި އަޅަށް ހިދާޔަތު ދެއްވާނދޭވެ. އަދި ތިޔަ އިލާހުގެ ފުރިިހަމަ ވެެގެންވާ ރުހިވޮޑިގަތުމަށް ލޮބުވެތިކަމަށް އަޅު ގެންދަވާނދޭވެ. އޭ އެންމެ ބޮޑަށް އުއްމީދު ކުރެވޭ ފަރާތެވެ.

10-اَللّهُمَّ اجْعَلنِي فِيهِ مِنَ المُتَوَكِلِينَ عَلَيْكَ ، وَ اجْعَلنِي فِيهِ مِنَ الفَائِزيْنَ لَدَيْكَ ، وَ اجْعَلنِي فِيْه مِنَ المُقَرَّبِيْنَ اِليكَ بِاِحْسَانِكَ يا غَايَةَ الطَّالِبِيْنَ

އޭ ﷲ! ތިޔަ އިލާހުގެ އިޙްސާންތެރިކަމުގެ ޒަރީޢާއިން ތިޔަ އިލާހަށް ވަކީލުކުރާ މީހުންގެ ތެރެއިންނާއި، ތިޔަ އިލާހުގެ ޙަޟުރަތުގައި ކާމިޔާބުވާ މީހުންގެ ތެރެއިންނާއި ތިޔަ އިލާހުގެ ޙަޟުރަތަށް ކުއްތަންވެ އުޅޭ  މީހުންގެ ތެރެއިން އަޅު ލައްވާނދޭވެ. އޭ އެންމެހައި އެދުންވެރިންގެ އެދުންތަކުގެ އިންތިހާއެވެ.